Famous Poets collection of free poems and free poetry
Home| What's New| Search Poetry| About US| E-Mail Poem a day| Privacy Policy|
Category
  Children Poems
  Englands Poets
  Fathers/ Fathers day Poems
  Friendship Poems
  General Poems
  Graduation Poems
  Humerous/ Funny Poems
  In Memoriam
  Love Poems
  Mothers/ Mothers day Poems
  Mystical/ Mythology
  Nature Poems
  Poems of Hope
  Remembrance Poems
  Scottish
  Sonnets
  Spiritual/ Religious Poems
  Spring Poems
  Summer Poems
  Thought provoking/ sad Poems
  War Poems
  Wedding Poetry
  Winter Poems
  Top Viewed Poetry
  Top rated Poetry
  All Poets
  All Poems
  Poet of the Day
  Poem of the Day
  Links
  Site Map


 
Total Views:  1346  
        Rating:  0  
This Poetry has been rated 0 times  
 
Rate This Poem:      
  
Poem Title:  A Dream

Poem Category:  Scottish

Poet:  Robert Burns

Poet Biography: 
Robert Burns was born in Alloway in Ayrshire in 1759 and died at the early age of 37 years in 1796. Robert Burns is one of Scotlandís most important literary figures (his life and work being celebrated each year) and is best known for his famous, and often humorous, songs and poetry. Written in the dialect of the time, even modern Scottish people struggle at times to understand the true meaning of his poems. Sometimes referred to as Scotlandís National Bard (poet)his work lives on in annual celebrations known as burns suppers. Life and Times



Poem: 
This was designed/written as a fanciful address in 1786


Guid-Mornin' to our Majesty!
May Heaven augment your blisses
On ev'ry new birth-day ye see,
A humble poet wishes.
My bardship here, at your Levee
On sic a day as this is,
Is sure an uncouth sight to see,
Amang thae birth-day dresses
Sae fine this day.

I see ye're complimented thrang,
By mony a lord an' lady;
"God save the King" 's a cuckoo sang
That's unco easy said aye:
The poets, too, a venal gang,
Wi' rhymes weel-turn'd an' ready,
Wad gar you trow ye ne'er do wrang,
But aye unerring steady,
On sic a day.

For me! before a monarch's face
Ev'n there I winna flatter;
For neither pension, post, nor place,
Am I your humble debtor:
So, nae reflection on your Grace,
Your Kingship to bespatter;
There's mony waur been o' the race,
And aiblins ane been better
Than you this day.

'Tis very true, my sovereign King,
My skill may weel be doubted;
But facts are chiels that winna ding,
An' downa be disputed:
Your royal nest, beneath your wing,
Is e'en right reft and clouted,
And now the third part o' the string,
An' less, will gang aboot it
Than did ae day.(1)

Far be't frae me that I aspire
To blame your legislation,
Or say, ye wisdom want, or fire,
To rule this mighty nation:
But faith! I muckle doubt, my sire,
Ye've trusted ministration
To chaps wha in barn or byre
Wad better fill'd their station
Than courts yon day.

And now ye've gien auld Britain peace,
Her broken shins to plaister,
Your sair taxation does her fleece,
Till she has scarce a tester:
For me, thank God, my life's a lease,
Nae bargain wearin' faster,
Or, faith! I fear, that, wi' the geese,
I shortly boost to pasture
I' the craft some day.

I'm no mistrusting Willie Pitt,
When taxes he enlarges,
(An' Will's a true guid fallow's get,
A name not envy spairges),
That he intends to pay your debt,
An' lessen a' your charges;
But, God-sake! let nae saving fit
Abridge your bonie barges
An'boats this day.

Adieu, my Liege; may freedom geck
Beneath your high protection;
An' may ye rax Corruption's neck,
And gie her for dissection!
But since I'm here, I'll no neglect,
In loyal, true affection,
To pay your Queen, wi' due respect,
May fealty an' subjection
This great birth-day.

Hail, Majesty most Excellent!
While nobles strive to please ye,
Will ye accept a compliment,
A simple poet gies ye?
Thae bonie bairntime, Heav'n has lent,
Still higher may they heeze ye
In bliss, till fate some day is sent
For ever to release ye
Frae care that day.

For you, young Potentate o'Wales,
I tell your highness fairly,
Down Pleasure's stream, wi' swelling sails,
I'm tauld ye're driving rarely;
But some day ye may gnaw your nails,
An' curse your folly sairly,
That e'er ye brak Diana's pales,
Or rattl'd dice wi' Charlie
By night or day.

Yet aft a ragged cowt's been known,
To mak a noble aiver;
So, ye may doucely fill the throne,
For a'their clish-ma-claver:
There, him (2) at Agincourt wha shone,
Few better were or braver:
And yet, wi' funny, queer Sir John,(3)
He was an unco shaver
For mony a day.

For you, right rev'rend Osnaburg,
Nane sets the lawn-sleeve sweeter,
Altho' a ribbon at your lug
Wad been a dress completer:
As ye disown yon paughty dog,
That bears the keys of Peter,
Then swith! an' get a wife to hug,
Or trowth, ye'll stain the mitre
Some luckless day!

Young, royal Tarry-breeks, I learn,
Ye've lately come athwart her-
A glorious galley,(4) stem and stern,
Weel rigg'd for Venus' barter;
But first hang out, that she'll discern,
Your hymeneal charter;
Then heave aboard your grapple airn,
An' large upon her quarter,
Come full that day.

Ye, lastly, bonie blossoms a',
Ye royal lasses dainty,
Heav'n mak you guid as well as braw,
An' gie you lads a-plenty!
But sneer na British boys awa!
For kings are unco scant aye,
An' German gentles are but sma',
They're better just than want aye
On ony day.

Gad bless you a'! consider now,
Ye're unco muckle dautit;
But ere the course o' life be through,
It may be bitter sautit:
An' I hae seen their coggie fou,
That yet hae tarrow't at it.
But or the day was done, I trow,
The laggen they hae clautit
Fu' clean that day.

Explanatory Notes
1: The American colonies had recently been lost.
2: King Henry V.-R.B.
3: Sir John Falstaff.
4: Alluding to the newspaper account of a certain Royal sailor's amour.-R. B. This was Prince William Henry, third son of George III, afterward King William IV.]


Designed & Developed By Elitesofttech

Love Poems and Love Poetry | Funny Poems and Funny Poetry | Mothers Day Poems and Mothers Day Poetry | Fathers Day Poems and Fathers Day Poetry | Free Poems and Free Poetry | Famous Poems and Famous Poetry | Childrens/Teen Poems and Childrens/Teen Poetry | Wedding Poems and Wedding Poetry | War Poems and War Poetry | Sad Poems and Sad Poetry | Friendship Poems and Friendship Poetry | Graduation Poems and Graduation Poetry